Një automjet ka dalë nga rruga në Tiranë duke plagosur edhe një këmbësor. Sipas policisë, ngjarja ka ndodhur rreth orës 19:00, në bulevardin “Bajram Curri”, kur mjeti me drejtues M. H., ka aksidentuar 80-vjeçarin Q. K.
Po ashtu në pamje shihet se automjeti i përfshirë ka dalë jashtë rrugës dhe ka përfunduar në lulishten e Lanës. Rrethanat e ngjarjes nuk dihen ende.
NJOFTIMI I POLICISË , “Më datë 25.06.2021, rreth orës 19:00, në bulevardin “Bajram Curri”, mjeti me drejtues shtetasin M. H., ka aksidentuar shtetasin Q. K., rreth 80 vjeç, i cili ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.”
