Një ashensor në zonën e mbikalimit të Kamzës në Tiranë, është përfshirë sot nga flakët, duke rrezikuar jetën e banorëve të pallatit. Paraprakisht bëhet me dije se fatmirësisht nuk ka të lënduar, ndërsa banorët janë evakuar nga pallati.
Shkak për rënien e zjarrit është bërë një shkëndijë elektrike. Në vendngjarje kanë mbërritur menjëherë forcat zjarrfikëse, të cilat kanë bërë të mundur shuarjen e flakëve.
Njoftimi i policisë: Rreth orës 13:50 të ditës, tek kthesa e Kamzës, si pasojë e një shkëndije elektrike, ka rënë zjarr në një ashensor, në katin e 7-të, të një pallati, ku ka vetëm dëme materiale.
Sherbimet e Policisë dhe Forcat Zjarrfikse ka bërë menjeherë evakuimin e banorëve dhe po punojnë për fikjen e zjarrit.Grupi hetimor punon për përcaktimin e rrethanave të ngjarjes.
