Një plagosje ka ndodhur në zonën e Laprakës, Tiranë pasditen e sotme.
Ngjarja ka ndodhur në lokal, ku gjatë një konfliktit kanë mbetur të plagosur me mjet prerës tre persona.
Të plagosurit janë transportuar në spital ku janë nën kujdesin e mjekëve
Njoftimi i policisë:
Tiranë/Informacion paraprak
Më datë 04.03.2023, në Laprakë, në një lokal, shtetasi E. Gj., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve.
Shërbimet e Policisë po kontrollojnë në zonë për kapjen e autorit.
Grupi hetimor po punon për sqarimin e rrethanave të ngjarjes.