Prej kohësh disa nga fshatrat e njësisë administrative Shushicë vuajnë mungesën e ujit për vaditjen e tokave bujqësore. Qindra hektarë tokë bujqësore rrezikojnë të mos prodhojnë për shkak të thatësirës. Në këto fshatra punojnë çdo ditë rreth 200 bujq, blegtorë, fermerë të cilët mbijetojnë nga prodhimet buqësore dhe blegtorale.
Sipas tyre miliona lekë të investuara po hidhen poshtë. ”Unë deri tani kam hedhur 4 milion lekë dhe nuk e di a do marr ndonjë kokërr apo jo. Kam 1 hektar misër dhe kam hedhur 1 milion lekë. Nuk ma merr mendja të marr misra as për pula. Nga momenti që e ka marrë bashkia neve jemi ngulur me kokë. Një investim nuk është hedhur.”
Shpresa për mbijetesë e mbi 400 familjeve po shuhet dita ditës, çka po rëndon edhe gjendjen e tyre ekonomike. Ata janë ankuar shpesh herë në dyert e inistucioneve, madje edhe në bashkinë e Vlorës por nuk kanë marrë asnjë zgjidhje.Oranews
