Një shtetas shqiptar i dënuar për shpërndarje të lëndëve narkotike është duke përdorur ligjin europian për të shmangur deportimin nga Britania e Madhe kur të përfundojë burgun.
Eldjord Ajazi, një korrier në biznesin e kokainës, mendohet të ketë fituar 450 mijë paund nga kjo veprimtari kriminale përpara se të arrestohej nga policia.
35 vjeçari mbërriti në vitin 2006 në ishull dhe që prej asaj kohe qëndroi ilegalisht në vend, derisa u arrestua në 2020. Ai u shpall fajtor për trafik droge dhe u dënuar me 45 muaj burg në shkurt të 2021.
Por ish-punonjësi i ndërtimit tashmë i trembet depërtimit dhe për këtë arsye ka hapur një proces që të ndalojë kthimin e tij në Shqipëri.
Ai po përdor një ligj nga Konventa Europiane për të Drejtat e njeriut, sipas të cilit, një prind ka të drejtën të ketë kontakt me fëmijët e tij. Ditët e fundit gjykata mësoi se Ajazi ka një djalë 2 vjeç, i cili ka lindur gjatë kohës kur ishte në burg.
Konventa për të Drejtat e Njeriu po përdoret shumë shpesh kohët e fundit nga emigrantët në Britani dhe për këtë arsye, kryeministri Sunak po mendon të tërheqë vendin prej saj në mënyrë që të vijojë me largimin e emigrantëve të paligjshëm.
Avokatja e shqiptarit tha përpara trupit gjykues se Eldjordi ishte në dijeni të krimit që kishte kryer dhe ishte penduar për të dhe shtoi se është shumë e rëndë që ta ndash babanë nga fëmija dhe partnerja e tij.
A2CNN /
