Triumfon Vlora në Festivalin e fëmijëve “Twinkle Twinkle” në Tiranë me këngën: “Të mbaj në duar” të kompozitorit Aulon Naci, interpretuar nga zëri brilant i Kristel Qarrit shoqëruar nga trioja e vajzave Emili Alushaj, Inva dhe Nurie Jaupaj, me tekst të Anila Totos, dhe orkestrim: Gramoz Beqiri.
Mes emrash të njohur të autorëve si: Aleksandër Peci, Shpëtim Saraci, Sokol Marsi, Elvis Peci, Ylli Kalaja Si dhe autorëve: Jorgo Papingji, Agim Rreza, Aulon Kalaja, kënga “ Të mbaj në duar” rrëmbeu Çmimin e Parë mes ovacionesh të publikut, dhe jurise profesioniste e përbërë nga: Prof. Suzana Frasheri, dirigjentja Suzana Turku, pedagogët Alma Strazimiri dhe Ema Kanci nga liceu artistik. Edicioni i Parë i këtij festivali organizuar nga Bashkia Tiranë, tashmë ka fituesen Kristel Qarri, 13 vjeç nga Vlora e cila është pjesë e rëndësishme e grupit të këngës prane QKF Vlorë që nga mosha 7 vjeçare nën kujdesin e instruktores së artit znj Albana Çuro.
