“Dikush nuk merr frymë, ai nuk është mirë, trupi i tij është bërë blu”. Kjo ka qenë telefonata që ka marrë spitali nga miqtë e 18- vjeçarit, Noah Domingo.
Domingo ishte duke pirë në ndërtesën e vëllazërisë në Universitetin e Kalifornisë, por shokët e gjetën atë pa ndjenja.
Noah ka ndërruar jetë, si pasojë e konsumimit të tepërt të alkoolit. Kanë qenë shokët e tij ata që kanë njoftuar ambulancën, pasi kanë gjetur pa ndjenja të riun.
Ai ishte anëtari i vëllazërisë së Sigma Alpha Elision dhe e rrinte pranë Universitetit të Kalifornisë, ku dhe studionte.
Ambulanca shkoi menjëherë në vendngjarje, por pavarësisht ndihmës së mjekëve, Noah vdiq rreth orës 3:30 të mëngjesit, bën me dije policia.
Një zëdhënës i policisë ka bërë me dijë për ABC Neës, se shkaku i vdekjes nuk është përcaktuar ende dhe do të jetë autopsia vendimtare.
Noah donte të studionte kineziologjinë dhe të bëhej një trajner i NBA, ka thënë babai i tij, Dale Domingo.
Mike Sophir, drejtori i Përgjithshëm i Sigma Alpha Epsilon, i ka shprehur ngushëllimet familje, për humbjen e djalit të tyre.
“Të gjitha lutjet tona shkojnë për familjen dhe miqtë e tij, që tu lehtësohet dhimbja nga humbja e njeriut të tyre të zemrës”, ka thënë ai./tvklan.al
