Bjorni Papri, 18-vjeç i cili u aksidentua pak ditë më parë në fshatin Kuqan të Elbasanit ka ndërruar jetë sot në spital.
I riu nuk ka mundur që t’u shpëtojë plagëve të marra për shkak të aksidentit fatal. 18-vjeçari u përplas teksa po udhëtonte me motor, teksa një makinë i preu rrugën dhe e hodhi disa metra tutje. Pas dërgimit të tij në spital, prindërit bënë apel për dhurim gjaku, por duket se ndihma mjekësore nuk ka mjaftuar për të shpëtuar 18-vjeçarin.
Ndërkohë drejtuesja e mjetit u la në arrest shtëpie pasi ka një fëmijë nën moshën 3-vjeçare.
