Morena Taraku është ndarë prej kohësh nga miliarderi iranian Sasha Sobhani, mirëpo një lajm që qarkullon në mediat rozë kohët e fundit, thuhet se ai është në një lidhje me një tjetër femër shqiptare.
Bëhet fjalë për modelen Vildane Zeneli e cila ditën e djeshme ka publikuar një foto në llogarinë e saj në Instagram ku shfaqeshin duart e Sasha-s, ndërkohë ajo nuk ka nguruar ta etiketonte atë në foto.
Kaq ka mjaftuar që aludimet të vërshojnë për një romancë të mundshme mes tyre.
Rikujtojmë se pak javë më parë, miliarderi publikoi një foto të bukuroshes në Insta Story, ku ajo shfaqej mjaft sexy, ndërsa emoji që Sobhani kishte mbivendosur ishte një emoji zjarri.
Mirëpo gjithçka që është shkruar e thënë, duket se ka rënë në vesh të modeles e cila nuk ka ndenjur duarkryq.
Vildanja ka vendosur që të reagojë mjaft ashpër përmes një postimi në Insta Story, nëpërmjet të cilit i drejtohet gazetarëve që kanë shkruar për të:
“Janë disa gazetarë dështakë që spekulojnë dhe besojnë çdo gjë. Nëse nuk e di se çfarë bëj dhe çfarë kam bërë mjaft shkruajte mbeturina për 10 euro/lekë që merr në ditë për punën që bën. Të paktën gjej fakte të denja.”
Pra duket se modelja nuk është e lidhur me miliarderin iranian dhe reagimi i saj le të themi se e dëshmoi qartë./Ikon style
