Në Atlantikun e Veriut shtrihet një grup i largët i ishujve vullkanikë të njohur për bukurinë e tyre të thyer. Gjithnjë e më të favorizuar nga turistët, ishujt Faroe njoftuan këtë vit se po mbyllen përkohësisht.
Gjëja e parë që zbuloni për këto ishuj, që ndodhen midis Norvegjisë dhe Islandës, është moti.
Fuqia e erës në to është aq e lartë saqë mund të rrezikoni edhe të zhvendoseni prej saj.
Kur autoritetet e arkipelagut deklaruan se po mbyllnin 11 vende të njohura turistike për dy ditë muajin e kaluar, ata gjithashtu bënë një kërkesë për të gjetur sa më shumë vullnetarë që të punonin dhe ndihmonin.
“Mbyllur për mirëmbajtje, e hapur për voluntourizëm”, thuhej në video publikimin e tyre.
Nga mijëra aplikime, 100 njerëz janë përzgjedhur. Të moshave nga 18 deri në 75 vjeç, ata kanë ardhur nga 25 vende, përfshirë edhe Australinë.
Këta “vullnetarë” ranë dakord të paguajnë për fluturimet e tyre dhe të punojnë për dy ditë në vende të zgjedhura. Në këmbim, ata ushqehen dhe flejnë pa pagesë.
Pas mbërritjes, ata ndahen në grupe të koduara me ngjyra për të punuar me vendasit nëpër 18 ishujt e ndryshëm.
Një ndër punët që ata duhet të kryejnë është ndërtimi i një shtegu shkëmbor por gjithashtu do të merren edhe me ndreqjen e rrugëve të vjetra të cairn, rregullimin e rrethimeve me gardh duke vendosur ngado nëpër ishuj gardhe të reja.
