Sot mbyllëm me sukses ditën e dytë të Trajnimit të Fazës së Artë – Sistemi i Avancuar i Menaxhimit të Mirëmbajtjes për Shoqëritë Ujësjellës Kanalizime pjesë të projektit “Menaxhimi i Aseteve në Ujësjellës-Kanalizime të Shqipërisë”. Qëllimi i aktivitetit ishte trajnimi i stafit të Shoqërive UK për Metodologjitë e Avancuar të Sistemit të Menaxhimit të Mirëmbajtjes
Trajnimi u organizua nga SHUKALB dhe u mbajt nga trajneri Stylianos Mkana, Inxhiner Sistemi pranë Hydro-Comp Enterprise.
Pjesëmarrës në trajnim ishin përfaqësues nga 11 Shoqëri UK (Berat-Kucove, Sarandë, Cerrik, Gramsh, Shkodër, Vlorë, Elbasan, Korcë, Peqin, Përmet dhe Himarë) përfaqësues nga Enti Rregullator i Ujit (ERRU), GIZ, Kompania Hydro-Comp nga Qipro dhe Shoqata Ujësjellës Kanalizime e Shqipërisë (SHUKALB).
Gjatë dy ditëve të trajnimit pjesëmarrësit praktikuan dhe punuan me EDAMS Software, duke krijuar dhe plotësuar një regjistër problemesh dhe kartela pune, duke krijuar dhe plotësuar një regjistër telefonatash, si dhe punuan me lëshimin e një investigimeve. Gjithashtu, module të reja në lidhje me programin e mirëmbajtjes dhe raportet e menaxhimit u prezantuan në ditën e dytë të trajnimit.
