Gjatë ditës së djeshme, një turist gjerman rreth 73 vjeç u raportua i zhdukur në gadishullin e Karaburunit.
Turisti u nis nga Orikumi drejt Karaburunit me qenin e tij, por humbi gjurmët. Ndërkohë sot, pas gati 24 orëve kërkim, turisti gjerman, i cili kishte dalë shëtitje me qenin e tij, është lokalizuar dhe pritet të merret në shpëtim.
73-vjeçari ka arritur të dërgojë një sinjal nga vendi ku ndodhej, në “Skalom të Beget“ një gji në afërsi të Bristanit mbas bazës së Pashalimanit. Policia e Vlorës menjëherë është vënë në lëvizje për të shkuar në ndihmë të tij.
