Aksidenti i rëndë i 2 Dhjetorit në Dibër ku humbi jetën shtetasi Mirjan Basha, 34 vjeç, ka shënuar një tjetër viktimë ditën e sotme. Pas dëmtimeve të marra në përplasjen e datës 2 Dhjetor, 23 vjeçari Ilir Mena nuk ka mundur dot t’i mbvijetojë plagëve të marra. I riu u dërgua me helikopter drejt Spitalit të Traumës në Tiranë, por pavarësisht përpjekëve të mjekëve nuk arriti dot t’ia dalë.
Nga aksidenti, kanë mbetur të plagosur edhe dy persona të tjerë, njëri prej të cilëve në gjendje më të rënduar shëndetësore, ndërsa shoferi ndodhet jashtë rrezikut për jetën. Ngjarja ndodhi kur mjeti ku ndodheshin katër të rinjtë, doli jashtë rruge duke u rrokullisur disa metra dhe për pasojë, gjeti vdekjen e menjëhershme 34 vjeçari Mirjan Basha, banues në fshatin Arras të rrethit të Dibrës.
