Arta Marku Prokurorja e Përgjithshme e Përkohshme e cila garon për një mandat për plotë në këtë post, i ka kërkuar sot KLP-së që t’i vihet në dispozicion pikëzimi i detajuar i secilit anëtar të Këshillit, i cili e renditi atë të dytën në garën për kryeprokuror.
Përmes një kërkese të dërguar pranë KLP, ditën e sotme Marku thotë se pasi të njihet me sistemin e pikëzimit do vlerësojë të drejtën e saj për ankimim të vendimit.
Ndërkohë burime për Report Tv bëjnë me dije se Marku do të ankimojë vendimin e Këshillit, brenda afatit i cili përfundon ditën e nesërme.
Një ditë pas intervistimit, Këshilli i Lartë i Prokurorisë bëri publik edhe listën e pikëzimit të kandidatëve për Prokuror të Përgjithshëm. I pari në listë u rendit prokurori Olsian Çela me 459 pikë, ndjekur nga kryeprokurorja aktuale me mandat të përkohshëm Arta Marku me 406 pikë dhe prokurorja Fatjona Memçajm me 362 pikë.
