Autoriteti Kombëtar i Ushqimit ka asgjësuar 7,636 kg produkte të skaduara, në Sarandë, që u ribllokuan një ditë më parë (1 Gusht 2019).
Në njoftimin e shpërndarë për mediet AKU bën me dije se asgjësimi është bërë në Vollodër, zonë e vënë në dispozicion nga Bashkia Sarandë për asgjësimin e mallrave me origjinë shtazore.
Produktet e skaduara i përkisnin subjektit “Arben Mehmeti”.
Autoriteti Kombëtar i Ushqimit do të vijojë punën rigoroze për të garantuar Sigurinë Ushqimore në vend, duke mbajtur pastër tregun e brendshëm nga produkte të pasigurta për konsum, si dhe duke siguruar të gjithë konsumatorët për produktet që konsumojnë.