Komisioni i Pavarur i Kualifikimit (KPA) ka regjistruar çështjen për ish- gjyqtarin, Artan Broci të shkarkuar për mosjustifikim të pasurisë. KPA përmes shortit ka caktuar edhe trupën gjykuese, me kryesuese Ina Rama, relator Ardian Hajdari dhe anëtarë Albana Shtylla, Luan Daci, dhe Sokol Çomo.
Kujtojmë që Artan Broci u shkarkua nga Komisioni i Pavarur i Kualifikimit (KPK), për mosjustifikim të pasurisë.
Pasuria e tij ka qenë një nga pikat më të diskutueshme, ku sipas KPK-së gjatë seancë dëgjimore deklaroi se ”Broci ka mospërputhje mes deklarimeve dhe informacionit mbi blerjen e tokës, të cilën më pas e ka shitur në 2010, nuk ka pasur të ardhura për ta blerë shtëpi në vitin 2006 në të cilën nuk ka deklaruar shtesën e bërë, ka mospërputhje mes lëvizjeve në llogari bankare dhe kontratës së shitjes, gjithashtu Broci nuk ka paguar tatimin për shitjen e këtij apartamenti”.
Njoftimi i KPA-së
Në Kolegjin e Posaçëm të Apelimit është regjistruar çështja (JR) nr. 27/2018, datë 29.10.2018 që i përket ankimit të subjektit të rivlerësimit Artan Broci kundër vendimit nr. 53 datë 31.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Artan Broci.
Sot, në datën 01.11.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.
Trupi gjykues i caktuar me short është i përbërë si më poshtë vijon:
Kryesuese: Ina Rama
Relator: Ardian Hajdari
Anëtarë: Albana Shtylla, Luan Daci, Sokol Çomo
