Ka mbërritur në Rinas trupi i pajetë i mjekut neurolog Drini Dobi, i cili humbi jetën në Itali si pasojë e Covid 19. Dobi u nda nga jeta në datën 9 Dhjetor në moshën 51-vjeçare, duke lënë pas dhimbjen te të gjithë familjarët, miqtë dhe të gjithë pacientët që ka trajtuar në të gjitha vitet e karrierës së tij.
Mjeku Dobi 51-vjeç rezultoi pozitiv me COVID-19 më 22 nëntor dhe me kalimin e kohës gjendja e tij shëndetësore u përkeqësua. Përpara se të nisej në Itali, Dobi shfaqi komplikacione të rënda, dhe në rrjetet sociale u iniciua fushatë për financimin e kurimit të tij. Drini Dobi ka qenë mjek neurolog në QSUT prej më tepër se dy dekadash.
Gjatë ditës së sotme në Rinas ka pasur miq dhe kolegë të tij, të cilët kanë pritur trupin e të ndjerit, i cili do ti drejtohet gjatë ditës së nesërme banesës së fundit.
