Ditën e djeshme Andrea(Renis) Sheroku u plagos rëndë nga babai i tij Ramo Sheroku. 32-vjeçari nga Berati përfundoi në spitalin e Traumës në Tiranë pasi plagët e shkaktuara nga thika i prekën kraharorin dhe mushkëritë. Ditën e djeshme u raportua se ngjarja e rëndë ka ndodhur pas një konflikti për motive të dobëta mes tyre pasi 66-vjeçari kishte pirë alkool dhe ishte dehur.
Por gjatë një emisioni televiziv, 32-vjeçari Sheroku ka dhënë një tjetër version për ngjarjen duke treguar se kishte pirë alkool e lëndë narkotike. Ai ka treguar se thika iu ngul në kraharor pasi u ul në divan dhe për këtë i ka bërë thirrje autoriteteve që t’i lirojnë babain nga burgu.
Sheroku: Unë jam mirë tani. Kisha pirë unë dhe nuk mbaja mend asgjë. Kisha pirë shumë alkool dhe nja dy cigare hashash. Kur shkova në shtëpi, kam rënë nga shkallët.
Pyetje: Ku e gjetët thikën?
Sheroku: Në momentin që jam kthyer, kisha ngrënë fruta në shtëpi dhe ndoshta e kam harruar padashje tek divani dhe kur u shtriva pashë gjak. Kam dalë në rrugë me vrap, fqinjët njoftuan policinë.
Pyetje: Po babai çfarë tha?
Sheroku: U shokua. Ta lirojnë babain, mos ta mbajnë brenda atje se nuk ka faj i shkreti. Me trupin tim nuk ka asnjë faj. Mamaja u sëmur dhe ndërroi jetë.
Pyetje: Sa kohë ka?
Sheroku: Në datën 8 mars. Kam dhimbje shumë të madhe. Më dhemb shpirti që nuk e kam atë, nuk jetoj dot asnjë sekond pa atë, e kam pasur gjithmonë pranë.
