Një 42-vjeçar i cili akuzohet për vjedhjen e disa automjeteve, biçikletave dhe banesave është arrestuar mesditën e sotme. Në pranga ka rënë Arjan Rrushini 42 vjeç, i dënuar dy herë më parë për vjedhje.
Mësohet se 42-vjeçari ushtronte veprimtarinë kriminale në mënyrë të përsëritur në fushën e vjedhjes së pronës, kryesisht të automjeteve duke thyer xhamin e pasmë trekëndësh të mjetit, vidhte biçikleta, banesa dhe zyra të firmave të ndryshme, duke marrë sende me vlerë dhe pajisje kompjuterike. Gjatë kontrollit në shtëpinë e tij, u sekuestruan disa biçikleta, sende të tjera që dyshohet që i ka vjedhur në automjete, banesa apo zyra firmash private, si dhe mjetet që përdorte për të kryer vjedhjet.
Dyshohet se Rrushini është autor edhe i vjedhjeve të tjera. Mbi të rëndon akuza për veprën penale “Vjedhja”
