Një skafandër antike zhytjeje është gjetur nga një zhytës në 35 thellësi në zonën e gadishullit të Karaburunit.
Zhytësi Endri Gjomemetaj thotë se u zhyt për të kapur oktapod, por hasi në një skafandër që mund të jetë e Luftës së Dytë Botërore ose më herët. Ai thotë se kjo skafandër tashmë do i kalojë Qendrës së peshkimit në Radhimë pasi sipas tij turistët i pëlqejnë këto vlera nënujore.
“Isha zhytur në Karaburun për të gjetur ndonjë oktapod dhe rastësisht hasa në këtë skafandër. E mora për ta sjellë tek Qendra e Peshkimit”, tha Gjomemetaj.
Edhe për peshkatarin e vjetër Sherif Dyrmishi kjo gjetje është e vecantë.
Sipas Dyrmishit është një gjetje që mbetet për tu vlerësuar nga specialistët. Ndërsa do i shtohet vlerave të tjera nënujore të Muzeut të Qendrës së peshkimit Radhimë.
“Jam i mahnitur me këtë gjetje të re. Kjo do i shtohet qendrës së peshkimit.
Kjo është një skafandër, për më tepër në kohë dhe në verë, duhet të jenë specialistët ata që do e vlerësojnë, por siç tha dhe shoku jonë, duhet të jetë i l uftës së dytë botërore, por nuk është e thënë.
Duhet të jetë dhe më përpara. Shpresoj që të jetë një vlerë e shtuar për qendrën e peshkimit, për Vlorën dhe për vizitorët”, tha Dyrmishi.
Për këtë lajm ka shkruajtur një ndjekes i faqes VloraNews që quhet Harrilla Dafa, dhe mund të ketë punuar te këto anije , E falenderojmë zoterine per informacionin.
Pershendetje! Skafandra (helmete) e zhytjes te cilin ka gjetur zhytesi eshte pjese e aparatit per zhytje ne thellesi deri ne 60 m me ajer (dhe deri ne 80 me perzierje gazrash). Ky aparat i emertuar Mark V me 12 bulona (varianti amerikan) dhe 3 bulona (varianti sovjetik).
Ne ShBA eshte perdorur nga viti 1918 deri ne vitet ’80, ndersa ne anijet Flotes tone eshte perdorur deri vone. Nga foto duket nje skafander 3 bulonshe te cilen e kane perdorur zhytesit tone. Faleminderit
