Marrëdhëniet e tensionuara mes nënës dhe të birit duket se kanë qenë arsyeja e një ngjarje fatale në familje në Catania të Italisë, ndërsa prej kohësh mes tyre kishtë zënka të shumta.
Policia ndaloi për humbjen e jetës së 32-vjeçares Valentina Giunta, djalin e saj 15-vjeçar, i cili i ka shkaktuar humbjen e jetës të së ëmës në shtëpinë e saj në Castello Ursino, prej disa plagëve me mjet prerës.
Sipas asaj që mësohet, marrëdhënia mes nënë dhe djalit kishte kohë që ishte e tensionuar dhe ngjarja është kryer në kulmin e një mosmarrëveshjeje mes tyre.
Trupi i Valentina Giunta u gjet nga policia në orët e vona të mbrëmjes dy ditë më parë. Punonjësit e policisë kishin ndërhyrë pas denoncimit të një familjari të viktimës.
Karabinierët u fokusuan menjëherë në një ‘pistë’ të brendshme brenda familjes dhe kryen hetime për partnerin e viktimës, i cili vitet e fundit ishte denoncuar për keqtrajtim nga gruaja, e cila më pas u tërhoq nga ankesa.
Mirëpo, burri është ndaluar nga policia për një tjetër ngjarje të ndodhur më parë në Sicili dhe s’ka lidhje me këtë që ndodhi tani.
