Pasi Agim Ibraimi kishte sulmuar arbitrin kryesor në ndeshjen kundër Dudelanzh, në kuadër të Liga Europa, sot është bërë e ditur kohëzgjatja e suspendimit të tij nga UEFA.
Edhe pse ekzistonte rreziku që Ibraimi të suspendohej në tërësi nga futbolli për një periudhë të caktuar, sipas rregullores së UEFA-s, futbollisti i Shkëndijës nuk do të mund të luaj në ndeshjet ndërkombëtare deri në fund të vitit 2020.
Ibrahimi iu kishte vërsulur arbitërit Grifit në ndeshjen e raundit të dytë eliminatorë të Europa Ligës, pasi që Grifit kishte ndëshkuar me të kuq Valmir Nafiun. Duhet kujtuar se pikërisht Agim Ibraimi, gjatë asaj ndeshje kishte shënuar golin e barazimit ndaj kundërshtarit Dudelanzh, me rezultat 1:1.
