Lionel Messi apo Cristiano Ronaldo. Kush është më i mirë? Ky është debati që ka dominuar në botën e futbollit për dhjetë vitet e fundit.
Dhe kësaj pyetje se kush është më i mirë, nuk kishte si të shpëtonte dhe legjenda e Milanit, Marco Van Basten. Në një intervistë të gjatë për “Il Corriere della Sera”, Van Basten është shprehur se Messi është lojtari më i mirë në botë dhe ata që pretendojnë se është Cristiano, nuk kuptojnë asgjë rreth futbollit.
“Cristiano është një futbollist i shkëlqyer, por ata që pretendojnë se është më i mirë se Messi, nuk kuptojnë asgjë rreth futbollit. Ose është kjo, ose ata e thonë atë me keqbesim. Messi është unik, i paimitueshëm dhe i papërsëritshëm. Një si ai i vjen futbollit në 50, ose 100 vite”.
