Operatorët turistik të Vlorës mëngjesin e kësaj të marte kanë zhvilluar një takim me prefektin e qarkut të Vlorës Flamur Mamaj.
Në këtë takim ata kanë diskutuar rreth përgatitjeve për sezonin turistik duke i paraqitur prefektit të Vlorës 9 kërkesat qe duhet të zbatohen nga ministria e turizmit dhe institucionet e qytetit bregdetar si policia, bashkia Vlorë apo prefektura e qarkut.
Kreu i operatorve turistik Vasil Bedinaj ka renditur si më primaren fillimin e sezonit turistik në datën 16 prill si dhe ndarjen e hapsirave publike të plazheve për të shmangur konfliktet.
Elidon Nikaj një prej administratorve të njësive hoteliere në Vlorë vec 9 kërkesave të paraqitura sheh si primare dhe krijimin e linjave të reja të autobusëve me atraksionet turistike si Kanina, Llogora, Zvërneci etj si dhe gatishmërinë e institucioneve si zjarrfiksja, policia rrugore, bashkiake në rast të emergjencave që kërkojnë ndërhyrje .
Prefekti i qarkut të Vlorës Flamur Mamaj në fjalën e tij shprehet se kërkesat e operatorve turistik janë të domoseodhme dhe janë të njëjtat që ka menduar si probleme ministria e turizmit teksa të tilla kërkesa sipas tij do të jenë prioritet për institucionet vendore dhe ministrinë e turizmit.
