Ministria e Shëndetësisë bëri një deklaratë për mediat, pak orë pas vdekjes së të moshuarës nga Durrësi për shkak të koronavirusit. Zëvendësministrja u shpreh se ajo vuante nga disa sëmundje. Rakaçolli u shpreh se e moshuara ishte te personat që kanë risk për vdekje nëse preken nga koronavirusi. Ajo u bëri apel qytetarëve për të kufizuar lëvizjet me qëllim shmangien e infektimit nga koronavirusi.
Mira Rakaçolli: Nuk mundi të mbijetojë si pasojë e komplikacioneve prej të cilave vunate prej vitesh. Ishte një e sëmurë që vuante nga insuficienca kardiake e rëndë, kishte çrregullime të ritmit të zemrës, kishte sëmundje kronike të mushkrive, kishte tiroide dhe kishte kryer para disa vitesh by-pass kardiak. Ishte në grup të atyre personave që kur preken nga koronavirusi kanë rrisk. Pavarësisht përpjekjeve maksimale që janë bërë nga ana e mjekëve të spitalit të Durrësit, pacientja nuk mbijetoi.
Deri më sot ajo është trajtuar nën kujdesin intensiv në Durrës. Sot është kërkuar transferimi i saj në QSUT, në çastin që po merreshin masat për transportin e saj gjendja ka agravuar. Siç ju kemi informuar deri më sot, ky virus prek moshat e mëdha dhe kryesisht ato mosha që vuajnë nga sëmundje të tjera kronike. U bëjë thirrje qytetarëve të jenë bashkëpunues me stafet tona mjekësore. Kushdo që ka histori udhëtimi të vetë-karantinohet. Të kufizojnë lëvizjet sa më shumë të mundit. Kemi nevojë bashkëpunimin e qytetarëve me këtë koronavirus.
Vijon…
