Me një transaksion tejet absurd qeveria shqiptare ka blerë për 9 milionë dollarë një hotel-gërmadhë në qendër të Vlorës në pronësi të biznesmenit Sulo Shehu.
Shpenzimet për blerjen e hotelit që më pas do të shembet për t’i hapur rrugë projektit për rigjenerimin e sheshit të Vlorës, u morën përsipër nga Fondi Shqiptar i Zhvillimit.
9 miliardë lekë do t’i japë shteti biznesmenit Sulo Shehi për godinën që ka ndërtuar në qendër të Vlorës. Shuma është bërë e ditur në një dokument të bashkisë së qytetit bregdetar, ku thuhet se është pranuar që shlyerja do të realizohet me këste. Shpronësimi bëhet me qëllim vazhdimin e projektit për parkun e Shtëpisë së Flamurit.
Ndërtesa në qendër të Vlorës në pronësi të biznesmenit Sulo Shehi do të shembet për ti hapur rrugë parkut të Shtëpisë së Flamurit. Në dokumentin zyrtar të këshillit bashkiak të qytetit bregdetar përcaktohet vlera 8.933.444.301.5 lekë.
Ende nuk është e qartë nëse kemi të bëjmë me gabim në shkrim apo vlera është reale, pasi do të përkthehej në plot 72 milionë euro? Epopeja e hotelit ka nisur para vitit 1990 dhe më pas me procedurat e ndjekura për ndërtimin nga biznesmeni Sulo Shehi. Për shembjen bashkia e Vlorës i është drejtuar me shkresë institutit të ndërtimit në ministrinë ë infrastrukturës për përcaktimin korrekt të vlerës.
Si përgjigje në datën 30 qershor të vitit 2020 i është komunikuar shuma, e konsideruar e papërballueshme për buxhetin e Vlorës. Ndaj në relacion thuhet se është rënë dakord me pronarin që këtë shumë ai ta marrë me këste nga Buxheti i Shtetit.
Por në këtë pikë, kërkohet votimi i këshillit Bashkiak dhe dërgimi në qeveri për përcaktimet e detajet e mëtejshme të pagesës Fondi për rikualifikimin e sheshit të Flamurit përfshirë kullën e Sahatit shkon në 698 milionë lekë. Ky tender është kualifikuar me Flamur të Kuq nga OPEN Data për shkak të skualifikimit të gjithë operatorëve përveç fituesit.oranews
