Shumë banorë janë shprehur kundër vendimit të bashkisë për vendosjen e kangjellave në zonën e Kombinatit. Për pasojë, ata e kanë shprehur indinjatën e tyre me anë të protestave.
Teksa ata protestonin, punonjësit e bashkisë vazhdonin me punën e tyre në mënyrë të pashqetësuar.
Edhe pse banorët kanë bërë kërkesë që të kenë paksa hapësirë, asnjë përgjigje nuk i është kthyer nga ana e institucioneve.
Një banore ka shpërthyer ndaj bashkisë, duke prekur dhe me historinë e saj. Ajo është shprehur se në shtëpi ka një njeri të paralizuar.
Ajo tha:
Me 25 dhjetor na njoftuan nga policia bashkiake se do të vendosim kangjella dhe që për të kaluar në shtëpi duhet të bënim kërkesë që të kalonim. Nuk ka ardhur data ende dhe kanë ardhur të na prishin rrugës. E keqja jonë është se nuk na lejojnë që të futemi në shtëpinë tonë. Unë në shtëpinë time kam një njeri të paralizuar. Si ta kaloj unë ta kaloj sipër kangjellave. Ne të na lihet një pjesë sa të kalojnë makinat tona. Jemi 8 familje që ne jetojmë aty.
