Ministrja e Infrastrukturës dhe Energjisë, Belinda Balluku solli sot në vëmendje disa nga projektet madhore të infrastrukturës rrugore në vend të cilat kanë shkurtuar distancat dhe kanë rritur sigurinë.
“Transformimi infrastrukturor flet vetë dhe qartë madje. Kemi investuar në vepra me parametra europianë, kemi shkurtuar distancat dhe kemi rritur sigurinë rrugore”, tha Balluku.
Konkretisht janë disa akse të rëndësishme rrugore ku kanë përfunduar tashmë punimet, dhe disa të tjera që janë në proces.
Rruga Tiranë-Elbasan, 26.7 km, ka përfunduar; bypass-i i Fierit, 22 km, ka përfunduar; bypass-i i Vlorës, 29 km, përfundon në shkurt 2021; bypass-i i Tepelenës, 2.3 km, përfundon në tetor 2020.
Po ashtu, rruga Kardhiq-Delivinë, 33 km, përfundon në 2021, ndërkohë që Lin-Pogradec, 16.3 km, ka përfunduar ashtu si dhe Elbasan-Banjë, 8.5 km, ka përfunduar.
