Mikel Arteta e ka nisur me një barazim aventurën në pankinën e Arsenal. Gunners barazuan 1-1 në transfertë kundër Bouremouth. Vendasit e mbyllën pjesën e parë në avantazh falë golit të Gosling, ndërsa Aubameyang barazoi shifrat në minutën e 64-t. Debutim me fitore për Carlo Ancelottin në stolin e Everton. Ekipi nga Liverpool mposhti në shtëpi Burnley me rezultatin 1-0. Calvert Lewin shënoi me kokë golin e fitores dhjetë minuta përpara fundit të ndeshjes.
Everton 1-0 Burnley: Dominic Calvert-Lewin’s header gives hosts win in Carlo Ancelotti’s first game Chelsea ka harruar të fitojë në shtëpi. Ekipi i Lampard fitoi në fundjavë kundër Tottenham jashtë fushe, ndërsa sot u befasua nga Southampton. Miqtë shënuan nga një gol për pjesë dhe siguruar një trepikësh shumë të rëndësishëm.
Renditja e kampionatit anglez
“Blutë e Londrës” renditen në vend të katërt me 32 pikë, tre më shumë se Sheffield United, që nuk shkoi më shumë se një barazim në shtëpi kundër Watford. Fitore të rëndësishme edhe për Aston Villa dhe Crystal Palace, që nuk gabuan në fushën e tyre dhe festuan sukseset kundër Norwich dhe West Ham.
