Këngëtarja e njohur Dafina Zeqiri, ka sjell së fundmi një bashkëpunim me reperin e labelit OTR, Varrosi. “Ring ring” titullohet kënga e tyre e re, e cila është ritmike nën rrymat RnB dhe hip-hop.

Vija melodike është realizuar nga vet Dafina dhe Varrosi, gjersa po të njëjtët kanë shkruar edhe tekstin – secili pjesën e tij. Kënga është publikuar në kanalin YouTube edhe me një klip mjaft interesant, i cili i përshtatet tematikës së këngës.

Ana vizuale i është besuar produksionit të njohur, Entermedia. Ky projekt i pason këngëve të shumta që Dafina ka sjell këtë vit, të cilat kanë rezultuar thuajse të gjitha të suksesshme. Edhe “Ring ring” pritet të shndërrohet në një hit i këtij dimri.