Gadishulli i Karaburunit prej ditësh është nën “pushtetin” e flakëve, pasi forcat zjarrfikëse nuk kanë mundur dot të vënë zjarrin nën kontroll për shkak të terrenit të vështirë.
Ditën e sotme në ndihmë të tyre kanë shkuar edhe helikopterët e Forcave të Armatosura. Në videon e siguruar nga neësbomb.al, shihet si helikopteri “zjarrfikës” furnizohet me ujë në afërsi të bazës ushtarake të Pashalimanit dhe më pas niset drejt vatrave aktive të zjarrit. Mësohet se janë 4 vatra të mëdha zjarri dhe disa të vogla në Karaburun, por situata është problematike pasi flakët po përhapen me ndihmën e erës.
