Kryeministri Edi Rama ka nisur një fushatë të re ku herë pas here u përgjigjet komenteve të ndjekësve në rrjetin social Facebook.
Sot Rama iu përgjigj një komentusi i cili shkruante se çmimi i energjisë duhej të ulej shumë më tepër.
“Po e prodhojmë vetë energjinë o Ed. Duhet me e ul shumë më tepër, kemi çmimet e Europës dhe rrogat e Afrikës”, ishte komenti i ndjekësit në Facebook.
Kryeministri iu përgjigj duke thënë se ulja e çmimit të energjisë është një moment historik, pasi është ulja e parë në 35 vite dhe e ulja e energjisë në rajon pas luftës në Ukrainë.
Rama: Kjo është një legjendë mediatike pa asnjë lidhje me realitetin. Shqipëria prodhon 75% energji në vitin mirë të mirë hidrik dhe vetëm 65% kur ka vit të thatë. Por ne do ta prodhojmë të gjithë energjinë për nevojat tona brenda vitit 20230, kur do kemi fituar sovranitetin energjetik me prodhim nga dielli dhe nga era.
Ulja me 10.5% e çmimit të energjisë është historike, e para se është e para ulje në 35 vjet dhe është e vetmja ulje e bërë në këtë pjesë të botës pas krizës së luftës në Ukrainë. Është fryt e një arritje historike të sektorit në dekadën e fundit.
Është 10.5% ulje dhe është faktikisht çmimi më i ulët i energjisë në histori, prandaj jam shumë krenar që e arritëm këtë kur mendoj se u nisëm nga buza e humnerës. Edhe një herë jo, ne nuk e prodhojmë vetë për të gjitha nevojat tona energjinë, kjo është legjendë mediatike. Po kemi bërë shumë më tepër se ç’kishim.
