Inxhinierët në Kinë ditën e sotme kanë inspektuar pallatin 90 katësh, pasi ditën e djeshme filloi të lëkundej duke shkaktuar panik tek qytetarët.
Pallati 300 metra në qytetin jugor të Shenzhen afër Hong Kong filloi të lëkundet në mëngjesin e së martës, duke bërë që njerëzit brenda dhe ata që gjenden në rrugët më poshtë të largohen.
Sipas mediave zyrtarët e menaxhimit të emergjencave, përjashtuan tërmetin si shkakun e lëkundjes së pallatit.
Ndërkohë, zyrtarët thanë se asnjë lëvizje tjetër nuk ishte zbuluar dhe ekspertët nuk gjetën “asnjë anomali sigurie në strukturën kryesore dhe mjedisin përreth të ndërtesës”.
Ndërtesa ishte lëkundur vetëm për një moment të shkurtër.
Por mediat bëjnë me dije se ky nuk është rasti i parë, pasi për shkak të standardeve të dobëta të ndërtimit ndërtesat shemben. Standardet e dobëta të ndërtimit shpesh janë të lidhura me korrupsionin midis zyrtarëve lokalë.
Mediat sociale u ndezën menjëherë pas incidentit të së martës, ku qindra komentues thanë se njerëzit nuk duhet të futen më brenda asaj ndërtese.
