Ndryshe është situata në Vlorë, ku kanë mjaftuar pak minuta reshje shiu, që qyteti të përmbytet. Problemi më i madh është paraqitur në akset që lidhin rrugë Transballkanike me bulevardin e ri në Skelë. Më problematikja nga këto akse është zona Albano Romina dhe zona pranë portit detar.
Reshjet e dendura të shiut gjatë natës së djeshme kanë shkaktuar përmbytje të rrugëve në qytetin e Vlorës. Siç shihet dhe nga pamjet e siguruara nga VloraNews rrugët kryesore të qytetit bregdetar gjenden nën pushtetin e ujit, teksa makinat e kanë të vështirë qarkullimin në to.
Rruga Transballkanike, një nga pikat kyçe të transportit në qytetin e Vlorës, shfaq një problematikë të vazhdueshme përmbytjesh sa herë që kemi reshje të dendura të shiut. Prezenca e ujit vërehet edhe në rrugë të lagjeve të ndryshme të qytetit, por për momentin nuk raportohen përmbytje në banesa ose biznese. Punonjësit e ujsjellës-kanalizimeve kanë zbritur në terren në mënyrë që të bëjnë të mundur zhbllokimin e kanalizimeve dhe normalizimin e situatës. Në ditët në vijim parashikohet që situata të përkeqësohet pasi priten reshje masive shiut në pothuajse të gjithë territorin e vendit.Problematikë mbetet dhe kanali në lagjen Pavarsia që rrezikon të mbys lagjen ,pasi është i mbushur me plehra dhe barishte, dhe mbetet i hapur për shumë vite duke rezikuar fëmijët të bien brenda.
