VLORE , Një incident është regjistruar dje në mbrëmje në Vlorë gjatë kontrolleve të policisë për respktimin e orës policore.
Pronari i një lokali në Lungomare ka debatuar me policët, të cilët i kërkojnë të mbyllin lokalin pasi ka hyrë ora policore. Por pronari i lokalit u ka kërkuar atyre që të mos lejojnë as qarkullimin e makinave dhe njerëzve. Nuk munguan as tensionet gjatë debatit ku polici ka kërcënuar pronarin e lokalit.
Polici: Mbyll lokalin!
Pronari: Nuk dua. E kam të mbyllur lokalin, makinat pse nuk i ndaloni? Është ora 12, ja ku i keni njerëzit. Makina në rresht. Pse nuk ndaloni makinat, njerëzit pse nuk i ndaloni? Ja ku i keni, radhë me njerëz. Prije gjobën, ndaloni makinat. Ligji është njësoj për të gjithë.
Polici: Mos më prek me dorë, jam më i ri nga ty. Po të më prekësh me dorë të kalon gjuhën poshtë ty!
Pronari: Kaloma gjuhën poshtë.
Polici: Vetëm ti bën zhurmë.
Pronari: E keni gabim, jam shumë i urtë. Ndaloni makinat.
Polici: Mbyll lokalin!
Pronari: E kam mbyllur.
