Sipas raportimeve të mediave ndërkombëtare rreth 18-të persona kanë vdekur si pasojë e përmbytjeve në Jordani.
Shumica e viktimave bëhet e ditur se janë fëmijë.
Sipas deklaratës së autoriteteve jordaneze të bëra në televizonin shtetëror, shirat e mëdha rrëmbyen një autobus me 44 fëmijë dhe disa mësues të cilët po zhvillonin një udhëtim.
Ekipet e shpëtimit kanë arritur që të shpëtojnë 37 persona. Në këtë opëracion u përfshinë helikopterë, ushtarë dhe zhytës të mbrojtjes civile.
Ndërkohë edhe një urë u shemb mbi Detin e Vdekur si pasojë e shirave me intensitet të lartë.
Shteti i Izraelit i ka ardhur menjëherë në ndihmë Jordanisë, duke dërguar helikopterë për të shpëtuar personat në rrezik në anën jordaneze të Detit të Vdekur.
Këto janë reshjet e para pas përfundimit të sezonit veror në këtë vend.
