Policia italiane ka ekzekutuar 16 urdhër-arreste ndaj një grupi kriminal mafioz i përfshirë në trafikimin e drogës në Salenton, pjesë e pjesë e një grupi kriminal që kishte marrë kontrollin e trafikut të drogës, në Leçe.
Procesi është iniciuar për të identifikuar autorët e një sërë veprash kriminale pas dëshmisë së një bashkëpunëtori të drejtësisë, i cili ka treguar se si grupi kriminal kishte arritur në territorin e Leçes.
Shumica e të arrestuarve janë shtetas italianë, ndërsa pjesë e grupit janë edhe shqiptarët Krenar Skëndaj, 46-vjeç, Soni Hajdari, 24 vjeç, Eltion Isufaj, 30 vjeç.
Gjatë aksionit të koduar “Vele”, ku janë përfshirë mbi 100 efektivë si dhe një helikopter, mësohet se janë sekuestruar lëndë narkotike të llojit Marijuanë, kokainë e heroinë.
Autoritetet bëjnë me dije se 16-personat ndaj të cilëve ishin lëshuar urdhërarrestet, janë të lidhur me grupin famëkeq kriminal të “Sacra Corona Unita”.
Hetimet për grupin zgjatën për më shumë se 1 vit, të mbështetura edhe nga deklaratat e disa bashkëpunëtorëve të drejtësisë, duke u mundësuar hetuesve për të faktuar trafikun e sasive të mëdha të drogës, si kokainë, heroinë, hashash dhe marihuanë.
