Qëndrontë si një relike prej vitesh,dhe kthyer madje në një WC publike, ish autobusi i Flamurtarit,më në fund është hequr nga vendi ku qëndronte prej vitesh,pranë stadiumit Flamurtrai.

Autobusi me të cilin vlonjatët fituan edhe trofeun e parafundit të tyre,pikërisht kupën e Shqipërisë në vitin 2009 përballë Tiranës në Durrës. Një autobus që madje ishte kthyer në mollë sherri mes klubit dhe bashkisë së qytetit,pasi aktualisht edhe pse në gjendje të rrënuar figuron në inventarin e klubit.

Mollë sherri një autbus,ashtu si edhe konflikti që vijon prej kohësh mes dy institucioneve për borxhet e prapambetura. Mëngjesin e të mërkurës,gjithsesi bashkia e qytetit ka vendosur t’a largojë autobusin,ndërsa edhe reagimet në rrjetet sociale,deri diku me ironi nuk kanë munguan nga sportdashësit e Flamurtarit.

Një shenjë që ndoshta tregon se pas largimit të autobusit do të ndizet edhe një fije shpresë për financat e klubit dhe situata do të qetësohet në Vlorë.