Ky vit nisi me temperatura të ulta dhe s’kishte si të mungonte bora në Llogora. Një mundësi që qytetarët e Vlorës mezi e prisnin, dhe jo vetëm qytetarët e Vlorës. Mungesa e borës në Vlorë i ka çuar ata rreth 30 kilometra larg qytetit të tyre.
Kanë qenë të shumtë ata që kanë kaluar çaste të këndshme me familjet e tyre, ku tingulli më i bukur është padyshim klithmat e fëmijëve që lozin me topa bore.
Pas natës së lodhshme të vitit të ri, ky është një moment ideal për t’u relaksuar dhe qetësuar sado pak, të rrethuar nga bora dhe aroma e mprehtë e pishave.
Trashësia e borës ka shkuar nga 15-20 cm, dhe kjo u jep mundësi qytetarëve të shkojnë aty dhe të argëtohen, pasi rruga është e lirë por pavarësisht rrugës së hapur, policia sugjeron paisjen me zinxhirë.Temperturat do të vazhdojnë të ulta gjatë gjithë javës, pritet të shkojnë deri në -7 gradë/ Erand.Haruni/vloranews.al
Ja disa pamje nga dita e sotme në Llogora:
