Bashkia e Pastosit u bëri thirrje sot qytetarëve të respektojnë masat e distancimit social dhe të vendosin maska kur udhëtojnë me mjetet e transportit publik dhe në çdo ambient tjetër të mbyllur.
Policia Bashkiake Patos dhe Drejtoria e Shërbimeve Publike vijuan ditën e sotme kontrollet në linjat e transportit urban duke i bërë thirrje dhe sensibilizuar udhëtarët dhe punonjësit e kompanive për të zbatuar detyrimin ligjor që sot vjen në një kohë të jashtëzakonshme me qëllimin e vetëm, ruajtjen e shëndetit të gjithësecilit.
“Në rast të mosrespektimit të këtij detyrimi, Policia e Shtetit, Policia Bashkiake, strukturat e Inspektorateve Shtetërore, kanë të drejtën e penalizimit me gjobë shkelësit. COVID-19 është ende mes nesh! Mbroni veten, mbroni ata që ju rrethojnë”, thuhet në njoftimin e bashkisë Patos.
