Përhapja me shpejtësi e virusit vdekjeprurës ka alarmuar botën.
Por sa është numri aktual i shqiptarëve që studiojnë dhe punojnë në Kinë (aty ku virusi shpërtheu)?
Zëdhënësja e Ministrisë së Europës dhe Punëve të Jashtme në një prononcim për “topchannel”, pohoi: “Për shkak të rrethanave në Kinë ne kemi mangësi të statistikave. Vetëm këshilli bursave në Kinë na ka dërguar informacion për studentët që kalojmë mes tij. Janë rreth 60 studentë. Nuk ka raportim për të prekur mes tyre.
Por ka dhe një numër (vlerësimi ynë rreth 400) shqiptarësh punojnë ose përpiqen të punojnë, me ose pa banim, me ose pa letrat e qëndrimit, të cilët për shkak të statusit të tyre (jo konform kërkesave për punë dhe qëndrim) evitojnë të vetëraportohen ose regjistrohen diku. Deri më tani nga kontaktet e ngushta që MEPJ po mban me ambasadën shqiptare në Pekin nuk ka të dhëna për shtetas shqiptarë të infektuar”.
