Vllaznia ka mbyllur pushimet e fundvitit dhe ditën e djeshme ka zbritur në fushë për të kryer seancën e parë stërvitore të 2020-tës. Shkodranët presin që ditën e diel t’iu bashkohet edhe trajneri Mirsad Jonuz për t’u kompletuar.
Kuqeblutë të hënën do të nisen drejt Ohrit për të zhvilluar fazën përgatitore, ndërsa nuk do mungojnë edhe miqësoret për të testuar futbollistët dhe për t’i bërë gati për rifillimin e kampionatit.
Vllaznia zhvilloi një pjesë të parë me ulje dhe ngritje në Superiore, duke u renditur në vendin e shtatë me 23 pikë. Pritshmëritë në ambientin shkodran janë më të larta, ndaj faza përgatitore në Ohër dhe merkato e janarit janë tejet të rëndësishme për vazhdimësinë e kuqebluve në Superiore.
