Vlora solidariziohet me familjet e prekura nga termeti. Prej orës 9 të mëngjesit të kësaj të mërkure qytetarët Vlonjat, student, nxënës shkollash, përfaqësues administrate, biznesmen etj, kanë filluar dhurimin e ndihmave për të prekurit nga tërmeti, veshmbathje, ndihma në vlerë monetare, ushqime, si dhe i janë bashkuar nismët për dhurimin e gjakut.
Për kryetarin e Bashkisë Vlorë, Dritan Leli, solidariteti dhe mbështetja që japim në këto momente është gjëja më me vlerë, pasi të gjithë së bashku me mbështetjen e dhënë duhet të tregojmë që jemi një, dhe së bashku të përballojmë këto ditë të vështira. Sipas kreut të operatorëve turistik të qarkut të Vlorës, Vasil Bedinaj, deri më tani në qytet po strehohen 300 persona të prekur nga tërmeti teksa priten të vijnë ende të tjerë.
Hoteleria e qytetit të Vlorës ka vendosur në dispoziocion të tyre dhoma krejtësisht falas duke ju ofruar akomodim të plot, për sa kohë ata ndihen të rrezikuar, kësaj nisme tashmë i janë bashkuar pjesa më e madhe e hoteleve të qytetit, si më e pakta që mund të bëjmë për ta në këto ditë të vështira. Qyteti i vlorës solidariziohet me personat e prekur nga tërmeti. Duke ofruar në shërbim të tyre dhoma hotelerie për akomodim. Gjithashtu në tre pika kryesore të qytetit, pranë pallatit të kulturës Vlorë, bashkisë si dhe pranë kryqit të kuq ka nisur prej orëve të mëngjesit mbledhja e ndihmave për personat e prekur nga tërmeti.
