Vlorë – 65-vjeçari humb jetën gjatë ushtrimeve në palestër
Një ngjarje e rëndë ka ndodhur paraditen e sotme në qytetin e Vlorës, ku një 65-vjeçar ka humbur jetën teksa po ushtronte aktivitet fizik në një palestër private.
Sipas burimeve nga vendngjarja, viktima ishte me banim në Itali dhe kishte ardhur prej disa ditësh në Shqipëri. Ai dyshohet se ka ndërruar jetë për shkaqe natyrale, ndërsa ndodhej në ambientet e palestrës duke kryer ushtrime të zakonshme.
Në vendngjarje ka mbërritur ambulanca dhe forcat e policisë, të cilat po punojnë për të sqaruar plotësisht rrethanat e ngjarjes. Trupi i pajetë i 65-vjeçarit është dërguar në Morgun e Spitalit Rajonal të Vlorës, ku do të kryhet ekspertiza mjeko-ligjore për të përcaktuar shkakun e saktë të vdekjes.
