Një aksident ka ndodhur në Vlorë ku mësohet se një 53-vjeçar ka përplasur një të mitur që po lëvizte me biçikletë. Bëhet e ditur se drejtuesi i mjetit tip “Opel” ka tentuar të largohet nga vendi i ngjarjes, por është arrestuar nga Policia dhe shoqëruar në komisariat. 11-vjeçari pasi mori ndihmën e parë mjekësore doli nga spitali dhe ndodhet në gjendje të mirë shëndetësore.
Njoftimi i policisë:
Rreth orës 13:45, në afërsi të vendit të quajtur “Shtëpia e Oficerëve”, shtetasi A. S., 53 vjeç, duke drejtuar automjetin tip “Opel”, ka aksidentuar një shtetas 11 vjeç, i cili po lëvizte me biçikletë.
Pas aksidentit, drejtuesi i automjetit ka tentuar të largohet nga vendi i ngjarjes, por falë reagimit të menjehershëm është ndaluar nga shërbimet e Policisë së Vlorës dhe është shoqëruar në ambientet e Komisariatit të Policisë Vlorë, për veprime të mëtejshme procedurale.
11-vjeçari pasi mori ndihmën e parë mjekësore, doli nga spitali. Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit.
