“Ali Asllani kthehet në vendlindje”. Busti i poetit, shkrimtarit, politikanit të mirënjohur Shqiptar vendoset në qendër të fshatit Vajzë të Vlorës, fshat ku u lind dhe u rrit poeti.
Prezent në këtë ceremoni inagurimi kryetari i kuvendit të Shqipërisë Gramoz Ruçi, deputetët Vullnet Sina, Fate Velaj, Edmond Leka si dhe kryetari i Bashkisë së Vlorës Dritan Leli. Për Z.Ruçi vlera e Ali Asllanit duhen përcuar brez pas brezi, si një figurë e shquar e shkrimtarit politikanit që la gjumrë jo vetëm në vepra, rreshta dhe fjalë por edhe në vepra për vendin e tij, fshatin ku u lind, Vlorën por dhe gjithë Shqipërinë, vepra që jetojnë edhe sot ndër breza. Deputeti i zonës Vullnet Sinaj, vlerat e Ali Asllanit i shpreh nëpërmjet poezise së tij “Hakërrim ” vargje aktuale, të cilat tregojnë edhe sot situatën politike në vend.
Një mesazh ky drejtuar jo vetëm opozitës por të gjithë atyre që mundohen të mbërthejnë administratën nën kthetrat e korrupsionit. Ali Asllani kthehet sërisht në fshatin Vajzë të Vlorës por këtë rradhë si asnjëherë tjetër, i derdhur në bronz. Një ikonë e letërsisë shqipe por mbi të gjitha një politikan, kryebashkiak i Vlorës i cili për qytetin por edhe për fshatin ku u lind ka lënë vepra të jashtëzakonshme që jetojnë me kohë.
