Nga Ergys Alushi
Nuk është një emër dosido! Nuk është rastësisht aty! Edhe pse në rrugicën që mban emrin e tij kanë nisur e kalojnë më shumë njerëz! Bëjnë më shumë fotografi.Aty, në Vlorën e Vjetër.
Shumë pak njerëz e dinë se kush është Ceno Sharra. Nga fisi i madh e patriot i Sharrajve. Ai është Dëshmori i parë i për mbrojtjen e Shtetit Shqiptar! I vrarë më 30 maj 1914, në Durrës, në përpjekje me banditët e Haxhi Qamilit, si komandant i vlonjatëve që morën pjesë në këto luftime. Për Dëshmorin e Parë të Shqipërisë së Lirë e të Pavarur, nuk duhet të mjaftojë vetëm një emër rrugice!
Ai duhet të ketë një varr në varrezat e dëshmorëve! Duhet të ketë një bust, ashtu siç e kanë nëpër qytet shumë nga dëshmorët komunistë! Duhet të ketë një datë përkujtimore.Duhet të ketë më shumë Respekt!Por, derisa të bëhen këto, shkruani të paktën disa fjalë, diku aty, te llamarina ku ka emrin, që vizitorët e rrugës muze e Vlorës Qendër Historike t’a dinë se kush është dhe se nuk është rastësisht aty!Është Dëshmori i Parë i Shtetit Shqiptar! Kur të kaloni aty pranë emrit të tij, duhet t’a nderoni, ashtu siç i ka hije një Dëshmori të Atdheut! Kush qytet tjetër i Shqipërisë e ka këtë nder!
