Jahti “LAMACOIA” 23 metra i gjatë me flamurin Italian ka pësuar defekt mbrëmjen e së të shtunës. Në bordin e jahtit kanë qënë 7 persona me kombësi Serbe.
Alarmin për një difekt në motor, por më pas kanë konstatuar edhe për mungesë karburanti,jahti e ka dhënë në afërsi të lagunës së Karavastasë. Shtatë personat në bord kanë lajmëruar se ndiheshin në rrezik dhe për shkak të motit jo fort të mirë dhe detit më dallgë.
Lajmerimi nga drejtora e përgjithshme në Durrës është dhënë drejt Vlorës si zona më e afërt për t’i ardhur në ndihmë jahtit me flamur italian. Rreth orës 19 e 35 minuta të mbrëmjes së të shtunës,në drejtim të jahtit është nisur anija P-116 për në rajonin ku edhe ndodhej mjeti në rrezik, ndërsa është komunikuar me këta të fundit nëpërmjet radios.
Veç anijes P-116, në drejtim të mjetit në rrezik është nisur edhe mjeti i Guardia di Finaza nga Durrësi , ndërkohë një tjetër mjet i Guardia di Finanza nga Radhima në Vlorë është nisur rreth orës 21 e 30 minuta. Pas mbërritjes në zonën ku ndodhej jahti në rrezik, rreth orës 22 e 20 minuta të së shtunës, filloi edhe përgatitja për rimorkimin e mjetit drejt portit të Vlorës.
Rreth orës 04 e 10 minuta të mëngjesit të ditës së diel anija R-B mbërriti me jahtin e rimorkuar në portin e Vlorës. Gjendja e ekuipazhit ishte e mirë dhe ata nuk kishin probleme,ndërsa mësohej se jahti vinte nga Greqia. Rreth orës 10 e 20 minuta të ditës së diel,jahti me flamur italian,pasi është furnizuar me karburant dhe nuk ka patur asnjë problem, ka dalë nga porti i Vlorës për t’u larguar fillimisht drejt Durrësit dhe më pas drejt detsinacionit të vet.
