Vlorë, Gjatë ditës së sotme është zhvilluar ceremonia përkujtimore për nder të Dëshmorit të Atdheut Ilir Ngresi, i cili 20 vjet më parë ra në krye të detyrës, në përpjekje për të garantuar respektimin e ligjit dhe sigurinë për qytetarët. Në ceremoninë e organizuar për këtë rast morën pjesë punonjës të Drejtorisë Vendore të Policisë Vlorë dhe familjarë e të afërm të Dëshmorit të Atdheut Ilir Ngresi. Ceremonia u zhvillua në Varrezat e Dëshmorëve, ku pranë varrit të dëshmorit Ilir Ngresi u zhvilluan homazhe dhe u vendosën kurora me lule.
