Prefekti i Qarkut Vlorë Flamur Mamaj ka zhvilluar takim me drejtues të institucioneve DRAKU, ISHSH, Posta Shqiptare, FSDKSH, DROSHKSH lidhur me situatën aktuale dhe masat në vazhdim, të COVID-19.
Pavarësisht situatës aktuale pozitive në Qark, kërkohet angazhimi i vazhdueshëm i institucioneve përgjegjëse me qëllim parandalimin e përhapjes së virusit!
Detyrat e lëna në këtë mbledhje konsistojnë në: zbatimin e masave të fatkeqësisë natyrore, evidentimin e problematikave të njerëzve në nevojë, shmangien e informacionit të rremë dhe verifikimin e çdo rasti, dezinfektimin e zonave problematike dhe të pupolluara.
Sfidë e ditëve në vijim mbetet rreziku prej hyrjes në Vlorë të qytetarëve nga qytetet e tjera me risk të lartë. Prefekti i Qarkut Vlorë propozoi që çdo qytetar që do të hyjë në Vlorë të plotësojë ‘Skedën e Vizitorit’ në Postbllok dhe të mbahen në vëzhgim nga Policia dhe Epidemiologjia.
